اه يالشلتك فيني وصيه
وصنتك فيني احلام وعهود
اه يالعشتك فيني قضيه
عليها اقمت الدنيا سدود
بيني وبين الناس قفلت
كل خطوط للرجعه تعود
وكان ايديا وشوق عينيا
كانو علي ريدتنا شهود
كان الريد انا سيدي وسيدك
بس الليله الباب مسدود
واه يالاديتك كل ماعندي
اديتني وعود ووعود
يالاديتك غيمي ومطري
اديتني بروق ورعود
يالاديتك كل حياتي
ريده وحب ماليه حدود
واتنكرت بعت وخنت
وصبحن كل اياميانا سود
انا اخترتك دون العالم
كان في بابي انا واقفه وفود
سبت العالم وجيتك انت
كانو براك مافيش موجود
وانت اخترت ترجع قلبي
شايل الريد كفنو ومهرود
تقدمو ليا هدية حب
زي ماليكا هديتا ورود
ومالايماك اللوم بجي غفله
ولا في اللوم قلبي انا مجبود
ولا في الحب راياتي قويه
ولا في الريد قلبي انا مغرود
درب الريد ما سووه ليا
دربي انا فيه حنوط وبرود
وكان رجعت قليبي وفتو
اصلو الحيل غيرك مهدود
وكان للموت وديتو قليبي
اصلو الحي بالموت موعود
درب الموت دربا ماشنو
ا
اصلو الموت وردا مورود
لاكا بديتو ولاني نهايتو
ولاكا الكان شبعت الدود
