الصفوة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى جماهير نادي المريخ السوداني


    ربك لطف

    مريخابي
    مريخابي


    عدد المساهمات : 7
    تاريخ التسجيل : 14/10/2009

    ربك لطف Empty ربك لطف

    مُساهمة  مريخابي الجمعة 16 أكتوبر 2009, 6:59 pm

    ربك لطف
    لاقاني بيك
    في واحدة من أحلى الصدف
    رجعني للفرح الزمان
    أصلو الفرح طعمو اختلف



    ومشيت بعيد
    لامن لقيت سري انكشف
    وغرامي ليك
    الكنت داسيهو انعرف
    احترت وين ألقاك... وكيف
    في الريدة اتحاشى الكلف
    إلا بس ربك لطف
    لاقاني بيك
    في واحدة من أحلى الصدف



    قبال تجيبني الصدفة ليك
    أنا كنت ماليني الأسف
    وكتين حرق جوفي النويح
    وكتين قمر ريدي انكسف
    وأنا كنت في حيرة وظنون
    ومعاها كم جرحاً نزف
    إلا بس ربك لطف
    لاقاني بيك
    في واحدة من أحلى الصدف
    رجعني للفرح الزمان
    أصلو الفرح طعمو اختلف



      الوقت/التاريخ الآن هو الجمعة 29 مارس 2024, 3:50 pm